O Śvedo si kotor katar e Konvencija vaś o Garavipe vaś e Nacionalne Minoritetura karing o Konsilo e Europako thaj i katar e Europaki Xarta aśal Regionalne thaj Minoritenge Ćhiba dekatar o 2000-to berś. Sar ekh rezultato katar kadala dorja, bibolde, romanura, sami, Śvedoske finura thaj tornedalianura si pindźarde sar nacionalne minoritetura. Pe gadaja vrjama, idiśkanes, romanes (romani ćhib), samikanes, finikanes thaj meankielines sas i von pindźarde sar minoritenge ćhiba.
Nacionalne minoritetura thaj minoritenge ćhibaTrubul te aven garavde thaj promotirime
E Legija vaś e Nacionalne Minoritetura (2009:724) si validno ando sasto Śvedo. E legija phenel kaj e nacionalne minoritenge ćhibaTrubul te aven garavde thaj promotirime. Manuśa kon si kotor katar ekh nacionalno minoriteto trubul te avel len o ćaćipe te terdźon thaj barjaren peski kultura thaj i te sikjon, barjaren thaj trubusaren peski ćhib.
E vastaravne bare trubul te den e nacionalne minoriten o śajpe te thon efekto pe teme savenge si len sama thaj, kozom śaj, te kosultirin e minoriten pe gasave teme. E baren si len e obligacija te informirin e nacionalne minoritenge grupen aśal leng ćaćimata thaj aśal publikano responsibiliteto telal e minoritenge legislacija.
Specialne ćaćimata aśal finura, meankieli thaj sami źene
O Stokxolm si o administrativno zona aśal e finura, meankieli thaj sami. Kadava ćhanil kaj te tu vakeres finikanes, meankielines aj samikanes thaj beśes ando o Stokxolm municipaliteto, tut si tut specialne ćaćimata.
Te tu te beśes ando ekh municipaliteto ande ekh administrativno zona, tut si tut o ćaćipe te vakeres e barenca ande kiri ćhib ande individualne kazusura ande save e bare si kris keravne. Tu trubul te aves śajdo te les replike, dujeste ande mujeski thaj i ande ramosardi forma ande e ekhutni ćhib. E bare śaj krison e specialno vrjama thaj o than kajte o serviso si dindo ande minoritenge ćhiba. O municipaliteto si i vov obligime te aranźiril anglalśkolaki thaj phuranegi sama, sasteste aj bareste ande minoritenge ćhiba, te khajekh puśel kadaleske.
E municipalitetura save si administrativne zone si len e obligacija te len resa (cjele) thaj informacije aśal peski minoritenge politikaki buki.
Sikavipe pe nativno ćhib
Ćhave kon si kotor katar ekh nacionalno minoro śaj sikon e minoreski ćhib aśal lengo nativno ćhibako subekto. Ker kontakto kire śkolake godidavne direktoresa po sikavipe thaj karierere te si tut puśimata.
Tu śaj gines maj but kate
Tu ka arakhes maj but kate aśal kire ćaćimata (sade ando śvedikanes):
Kadja si sar o foro kerel buki e nacionalne minoritenca
O parlamentosko uebsajto vaś e sami źene
Aśal e minoritetenge ćhiba, o uebsajto vaś e Ćhibengo Konsilo
Ker kontakto e forosa o Stokxolm
Kontakno centro Stokxolm
Telefono: 08-508 00 508