Nacionalipha haripar ta haripatschib

Parela diro nantis attjer dolle nacionalipha harriparna kammar diro horte te ismarela diros nacionalipha haripatchib an kontakti ninna bastalorna. Akata ler diro jana savia caciper diro kammar ta savia rodipe diro nast anela pre diros komúna ta pre vavra bastalo.

Svedijo honkar senslo 2000 parela Evropigodits regulakeribe bási arakdel gla nacionalipha haripar ta dova evropikapo kanun bási themkota- ta haripatchib. Preal dole simali angigas býskror, romer, pajkor, svedijo lallaror ta tornedalingar savo nacionalipha haripar. Keda angigas aur jiddisch, romani chib, pajkoske, lallaro ta meänkieli savo haripatchib.

Nacionalipha hariparna ta haripatschibben nasht arakdelas ta kerelas

Kanun (2009:724) bási nacionalipha haripar chanir an saroa Svedijo. Kanun puckar te dolle nacionalipha haripatschibben nasht arakdelas ta kerelas. Dova savo parela jeck en nacionalph haripat nasht kamma horte te rekkrade ta angledsaj siros kultúra hem dsanipa siros, angledsaj ta ismareler siros haripatschib .

Administririphebastalor nasht le dolle nacionalipha hariparna saipet to pheribe an puchar savo dolela dova ta sav drómit savo saj jekgoda ninna hariparna ani sàvot puchar. Bastalorna kammar ushlalipe te janepha bási dolle nacionalipha hariparscaciper ta kava sarenikanos dochal haripas konukerela.

Ulavela caciper gla lallaro, meänkieli ta pajkoske

Stockholm honkar administririphethan gla lallaro, meänkieli ta pajkoske. Kava kuciper te diro savo rakkra lallaro, meänkieli ire pajkoske, ta bòddra an Stockholms komúna, kammar ulavela caciper.

Diro savo bòddra an jeck komúna andre jikk administririphethan kammar korte te rakkra ninna bastalorna pre diros chib an ulavdo pasibe doj bastalon honkar agorbande. Diro nasht nasta le svádera an rakkrat ta randrad pre savriga chib. Bastalon nast potta ulavelat tjiro ta than kori servisin ges pre haripatschibben. Komúnan honkar är aur ushla te nisa gla drabblehist ta puronoarakhibe, sarot ire to nàntis kota pre haripatschibben, bási hari farnisar kava.

Komúnar savo honkar administririphethan honkar ushla te lela resin ta rigaripar gla siros haripas pòlitikata fakkepa.

Dagriachib sikavibe

Nuckor savo parela jeck nacionalph haripat nast drabbra haripatschibbet andre emnit dagriachib kontakti diros drabbahisps studirinel- ta sanatis dromsikavela bási diro kammar puchar.