Le nacionalni minoritetura thaj le minoritetonge šiba

Kana ginavestu ando jek nacionalno minoriteto atunči si tut čačimo te hasnis či nacionalno minoritetno šib ando kontakto le rajimatanca (myndigheter). Katka daštis te dikhes če čačimata si tut thaj soske ažukerimata šaj avel tut katar čiri komuna thaj katar le kaver rajimata (myndigheter).

O Švedo si katar o berš 2000 phanglo peski vorbasa karing Europarådets ramkonvention te len sama pa nacionalna minoritetura thaj te inkren la evropake zakonura pa themeske umalenge šiba thaj le minoritetonge šiba. Perdal kado kethano phanglimos priznailpes le židovon, romen, samon, švediska finlandon thaj e tornedalon sar nacionalna minoritetura. Sakade priznailpes vi e jiddisch šib, romani šib, samisko šib, finlandisko šib thaj e meänkieli šib sar le minoritetna šiba.

Le nacionalna minoritetura thaj le minoritetna šiba musaj te arakhenpes thaj te zorarenpes

O zakono (2009:724) katar le nacionalno minoritetura astarel soro Švedo. O zakono ramol kaj le nacionalna šiba musaj te arakhenpes thaj te zorarenpes. Kodo kon ginavelpes ando nacionalno minoriteto musaj te avel les o čačimo te inkrel thaj te bararel peski kultura thaj te sičol, te bararel thaj te hasnil peski minoritetno šib.

Le rajimata (förvaltningsmyndigheter) musaj te den le nacionalno minoritetonge šajimo te len kotor ande pušajimata kaj azban len thaj kiki daštin te pušenpe le minoritetondar ande kasave pušimata. Le rajimata (myndigheter) musaj te informirisaren pe nacionalno minoritetonge čačimata thaj pa rajimatange musajimata te inkren o minoritetno zakono.

Ulavdine čačimata pa finlandisko šib, meänkieli šib thaj samisko šib

O Stockholm si jek upravno umal (förvaltningsområde) pe finlandisko šib, meänkieli šib thaj samisko šib. Kadja značil kana tu des duma pe finlandisko šib, meänkieli šib vaj samisko šib, thaj kana bešes ande komuna Stockholm, atunči tut si ulavdine čačimata.

Tu kon trajis ande jek kasavi komuna kaj si ande jek upravno umal si tut čačimo te des duma le rajimatanca (myndigheterna) pa čiri šib pa le ulavdine buča karing le e rajimata kaj anen decizija. Musaj te bolden tuke o svato pa čiro pušimo, ando vorbipe thaj ando ramojpe pe čiri šib. Le rajimata šaj den tut jek vrama thaj te akharen tut pa jek than kaj delpes ažutimo pe čiri minoritetno šib. E komuna musaj te del e glatenge anglaškola thaj le phurimatange le phurengo grižojpe, sa vaj jek baro kotor pa minoritetno šib, te si kadja ke varikon mangel kodo.

Le komune kaj si ande jek upravno umal musaj te avel len ciljo thaj te keren plano ande penge minoritetno politikake buča.

Sičarimos pe daki šib

E glati save ginaven pes andre ando jek nacionalno minoriteto daštin te sičon e minoritetno šib andi sičarimaski disciplina la daki šib. Kana si tut uni pušajimata daštis te les kontakto karing če školako studie- thaj yrkesvägledare.

Katka daštis te ginaves majbut

Katka daštis te žanes majbut pa čire čačimata (o hramojpe si pe švedisko šib):

Kontaktulin foro Stockholm

O kontaktcenter Stockholm
Telefono: 08-508 00 508

Uppdaterad