O them Švedo si katar o berš 2000 phanglo kusa Europarådets ramkonvention te len sama anda nacionalna minoritetura thaj e evropake zakonura pa themeske umalenge šiba thaj minoritetno šiba. Perdal kado kethano phanglimos priznailpes e židovura, roma, samura, švediska finlandezura thaj e tornedalura sar nacionalno minoritetura. Atunči priznailpes vi e jiddisch šib, romani šib, samisko šib, finlandisko šib thaj e meänkieli šib sar e minoritetonge šiba.
E nacionalna minoritetura thaj e minoritetno šiba si te arakhenpes thaj te zorarenpes
O zakono (2009:724) pa nacionalno minoritetura astarel intrego Švedo. O zakono phenel kaj e nacionalno šiba si te arakhenpes thaj te zorarenpes. O ženo sosko si jek kotor anda nacionalno minoriteto si te avel les čačimo te inkrel thaj te bararel peski kultura thaj te sičol, te bararel thaj te hasnil peski minoritetno šib.
E rajimata (förvaltningsmyndigheter) si te den karing e nacionalna minoritetura šajipe te len kotor ande pušimata soske azban len thaj sode birin te pušenpe kusa minoritetura ande kasave pušimata. E rajimata (myndigheter) si te den informacija pa nacionalno minoritetonge čačimata thaj pa rajimatange musajimata te inkren o minoritetno zakono.
Ulavde čačimata pa finlandisko šib, meänkieli šib thaj samisko šib
O Stockholm si jek upravno umal pe finlandisko šib, meänkieli šib, thaj samisko šib. Kado značil kana san vorbitori pe finlandisko šib, meänkieli šib vaj samisko šib, thaj kana trajis ande komuna Stockholm, atunči tut si ulavde čačimata.
Tu kon bešes ande jek komuna soski si ande jek upravno umal si tut čačimo te vorbis kusa e rajimata (myndigheterna) pa čiri šib ande kasave ulavde buča kana e rajimata anen decizija. Tuke si te den atveto ando vorbipe thaj ando teksto pe čiri šib. E rajimata šaj te keren tuke jek vrama thaj te akharen tut pa jek than kaj delpes ažutipe pe čiri minoritetno šib. E komuna trebula te del e šavorenge anglaškola thaj e phurenge phurengo arakhipe, sa vaj jek baro kotor pa minoritetno šib te si kade ke varikon mangel kado.
E komune soske si ande jek upravno umal trebula te avel len cilo thaj te keren plano ande pesko minoritetno politično bučazipe.
Sičaripe pe dejaki šib
E šavora soske si katar jek nacionalno minoriteto birin te sičon e minoritetno šib ande sičarimaski disciplina dejaki šib. Te si tut uni pušimata kontaktulin čire školako studie- thaj yrkesvägledare.
Katka biris te ginaves majbut
Katka šaj žanes majbut anda čire čačimata (o iskiripe si pe švedisko šib):
Kade bučazil o foro kusa nacionalni minoritetura
Internetoski patrin minoritet.se
Sametingets internetoski patrin
Pa minoritetonge šiba, Språkrådets internetoski patrin
O zakono pa nacionalna minoritetura thaj minoritetna šiba, Sveriges riksdags internetoski patrin
O čačimo te bararelpes peski nacionalno minoritetno šib, Skolverkets internetoski patrin
Kontaktulin o foro Stockholm
O kontaktcenter Stockholm
Telefono: 08-508 00 508