Amen sam ande školi thaj ande šavorenge angleškoli, ande phurenge grižimaske khera thaj pe thana kaj inkrenpe džeseske ružni aktivitetura. Tu maladžos amenca vi kana amen šudas o kišaj pe droma, kana užaras vaj lašaras e foroske droma, kana aves amende te manges pačako lil (bygglov) te keres kher vaj jek kaver džela, kana vizitulis e bučenge rodimasko than (jobbtorg) thaj e foroske ažutimaske khera (medborgarkontor), kana aves ande biblioteka thaj ando usimasko kher.
E foroski infrastruktura
E foroski buči si vi kado ke te avel amen vužo pimasko paji khere thaj ande lenja thaj pe kaver pajeske thana, te lenpes e gunoja anda khera thaj vi te len sama pa pašepajenge thana kaj thon pe e parahodura, te žal mišto le firmenge ando Stockholm, thaj te keren kasave khera kaj si laše ando klimato thaj te denle e manušenge te bešen ande lende. Vi kado si ke o Stockholm si les jek uniko digitalno infrastuktura perdal amari putardi interneteski drakhin savi barol inke majbut ke te šaj amaro foro te avel le jek inke majfeder digitalno funkcija.
E kultura thaj e slobodno vrama
E kultura si zurales impotantno – anda kado amende si Kulturako kher e Forosko teatro (Kulturhuset Stadsteatern) kaj sikaven šela programoske punktura ando intrego berš, Kulturaki škola (Kulturskolan) sa e šavorenge thaj ternenge, Forosko muzeumo (Stadsmuseet) thaj e dumultane vramako muzeumo (Medeltidsmuseet) thaj amaro artikano kher (konsthall) Liljevalchs. Amen ažutinas e organizaciji taj e kulturake aktoron ke te birinas kethanes te keras jek demokratično thaj žuvindo foro. Sportovi thana, usimaske khera, avrikhereske gym, zelenimatange umala thaj e naturake rezervatura si numaj varisave primerura pa kado sar o foro kerel ke te avel majvušore le stockholmarenge te keren penge ružni aktivtetura ande pengi slobodno vrama.
Ažutimata ande phare situaciji
Amen sam vi kadalendar kaj maladžon savorenca kaske trebul ulavdimo ažutipe ando lengo trajo. Kado šaj avel e školako ažutori (skolans kurator), kheresko ažutori (boendestödjare), o ženo kaj ažutil tut anda čire čačimata (god man) vaj socijalno sekretari (socialsekreterare). Univar si kade anda nasvalipe, kana varikon lel draba (kerel missbruk) vaj anda jek kaver trauma, na primer savora kaj aven amende katar e marimatange thana thaj e thanendar kaj sas naturalni katastrofi anda kaver lumake riga. Univar šaj avel vi kaver bajura sostar varikaske trebul jek ekstra ažutipe.
Politika thaj demokratija
Vi tu šaj te aves andre thaj te keres variso. Tu thaj e kaver stockholmara kon birin te den tumaro glaso ande komunako alojipe anen decizija pa kadala kon si te komandulin amare forosa. Svako trito luja maladžon e komunake šerutne (kommunfullmäktige) ando Forosko kher (Stadshuset) thaj vi tu mišto avilan te ašunes pa soste žal e vorba. Čire forosko rajimo (stadsdelsnämnd) si les vi kaver kidimata kaj si putarde savorenge thaj vi tu biris te des kothe predlogura pa bajura so tu kames te kerdžon majfeder.