Skärpt eldningsförbud i Stockholm

Just nu är det förbjudet att elda i Stockholms län. Länsstyrelsen har beslutat om skärpt eldningsförbud med anledning av att det är extremt torrt i naturen.

Foro Stockholm

Ando foro Stockholm keren buči paše sar le 40 000 žene. Tu thaj e kaver paše jek milijono stockholmara maladžon amenca pe but diferentni thana thaj vi kote kaj amen keras le foroske buča.

Amen sam ande školi thaj ande glatenge angleškoli, ande khera kaj lelpes griža pale phure žene thaj pe thana kaj inkrenpe le džeseske diferentni aktivitetura. Tu dikhes amen vi kana šudas o kišaj pe droma, kana šulavas e vulici, kana keras vaj lašaras e foroske droma, kana aves te manges pačako lil (bygglov) te vazdes opre čo kher vaj kaver džela, kana vizitulis le bučengo mangimasko than (jobbtorg) thaj le foroske ažutimaske khera (medborgarkontor), kana phires ande biblioteka thaj aves ando usimasko kher.

Le foroski infrastruktura

Le forostar ažukerel pes vi ke te avel amen vužo paji pimasko ande khera thaj ande lenja thaj pe kaver pajeske thana, te len o gunoj le kherendar thaj vi te len sama pa pašepajenge thana kaj thon pe e parahodura, te žal mišto le firmenge ando Stockholm, te keren le khera laše ando klimato thaj te denle e manušenge te trajin ande lende. Vi kado si ke o Stockholm si les jek uniko digitalno infrastuktura perdal amari putardi interneteski drakhin savi keras inke majbut ke te šaj amaro foro te avel le jek inke majlaši digitalno funkcija.

E kultura thaj e slobodno vrama

E kultura si tista važno – anda kodo si amen la Kulturako kher le Forosko teatro (Kulturhuset Stadsteatern) kaj sikaven pes le šela programoske punktura ando soro berš, la Kulturaki škola (Kulturskolan) sa e glatenge thaj ternimatange, le Forosko muzeumo (Stadsmuseet) thaj la dumultane vramako muzeumo (Medeltidsmuseet) thaj vi amaro artosko kher (konsthall) Liljevalchs. Amen ažutinas karing le organizaciji thaj e kulturake aktorura ke te daštinas kethanes te keras jek demokratično thaj majžuvidino foro. Sportoske thana, usimaske khera, avrikheresko trenulimasko than (utegym), zelenimatange umala thaj e naturake rezervatura si numaj uni primerura pa kado so kerel o foro ke te avel majvušore le stockholmarenge te keren lenge diferentni aktivitetura ande lengi slobodno vrama.

Le ažutimata ande phare situaciji

Amen sam vi kasavendar kaj maladžon savorenca kas trebul ekstra ažutimo ando lengo trajo. Kodo daštil te avel e školako ažutori (skolans kurator), kheresko ažutori (boendestödjare), o ažutori pala čire čačimata (god man) vaj socijalno sekretari (socialsekreterare). Univar si kadja anda nasvalimos, kana varikon lel draba thaj kaver djeli kaj naj slobodo te lel le (kerel missbruk) vaj anda jek kaver trauma, sar eksemplo savora kaj aven amende katar e marimaske thana thaj katar le thana kaj sas le katastrofi kaver thanende ande luma. Univar šaj avel vi kaver džela sostar uni ženenge trebul jek ulavdino ažutimos.

E politika thaj e demokratija

Vi tu daštis te thos tu andre te paruves variso. Tu thaj sa le kaver stockholmara kon daštin te den tumaro glaso ande komunako alojimos anen e decizija pale kodola save si te komandulin amare forosa. Svako trito luja maladžon e komunake šerune (kommunfullmäktige) ando Forosko kher (Stadshuset), vi tu mišto avilan te šunes pa soste žal o divano. Čire forosko rajimos (stadsdelsnämnd) si les vi kaver kidina save si putarde savorenge thaj vi tu daštis te phenes čire gindura ando kodo so tu kames te kerdžol majmišto.

Le nacionalni minoritetura thaj le minoritetonge šiba

Kana ginavestu ando jek nacionalno minoriteto atunči si tut čačimo te hasnis či nacionalno minoritetno šib ando kontakto le rajimatanca (myndigheter).

Uppdaterad