Tu ka arakhes amen, primerno, ande e xurdelina thaj śkolje, ande phuranenge khera thaj ande centrura vaś sakodivesutni sama. Tu i arakhes tut amenca kana ame thas kiśaj, śilavas aj laćharas e foroske strade (ulice) thaj centralne thana, kana tu mukhes formularo vaś konstrukcijake mukhimata, av ka amare bukjake centura thaj civilne centura, źa ka e biblioteke thaj e plivimaske thana.
E Foroski infrastruktura
O foro o Stokxolm si i vov responsibilo aśal o siguripe vaś amaro vuźo paj dujeste katar e xaing thaj i katar e lena phuvjake xainga, aśal e melako kidipe thaj kaj amare portura thaj kejora keren laćhe buki, kaj e biznesura ando Stokxolm si len em e laćhe bukjake kondicionura thaj kaj klimat-godjaver thaj resline khera si kerde thaj dinde. Upral pe kadava, o Stokxolm kerel buki ekhe unikalnone digitalnone infrastukturasa via amari putardi fibra drakhin, thaj kadava si bareste buxljardo te kerel maj laćhe ekh digitalno komuna.
Kultura thaj khinomaski vrjama
E kultura si dujeste vaźno thaj trubulni – ame dumodas (źutisaras) la via, primerno, o Kulturhuset Stadsteatern (Kukturako Centro/Forosko Teatro) śele programenge bukjanca saste breśenske, e Kulturaki Śkola aśal sa e ćhave thaj terne źene, e Forosko Muzejo thaj o Maśkarbreśalo Muzejo thaj peske amari foroski art galerija e Liljevalchs. Ame dasdumo i e dujen e asocien thaj kulturne khelavnen te dumoden amen ekhaveresa te keras ekh demokratikano thaj lośalo foro. Sportoske thana, plivimaske thana, avrutne fitnesura, ćarale (zelene) thaj naturalne rezervatura si khajekh katar e primerja vaś sar o foro anel ekh aktivno khinomasko trajo aśal e źene ando Stokxolm.
Dumodipe ande phare situacije
Ame sam i e źene kon arakhen sakone ekhes kas trubul le specialno dumodipe ando trajo. Śaj avel ekh śkolako konsultanto, kheresko dumodimasko oficero, pakjavdino aj socialno sekretaro. Khajekh droma, e kauza si kaśte nasvalipe, dośkeripe aj aver trauma, sar sa kadalenge kon avile kate katar marimaske zone thaj katastrofake zone ande aver thana e lumjake. Thaj aver droma, e kauza si vareso aver kaj thol e manuśen ande situacije ande save len trubul len dumodipe.
Politika thaj Demokracija
Tu śaj aves andrethodo thaj te avel tut influencija. Tu thaj aver źene ando Stokxolm kon den pesko voto ande municipalne votoalosarimata si e źene kon krison kon ka vastarel o foro. Sakoekh trito Luj, o Forosko Konsilo kerel sfato ande e Foroski Zala thaj tu san miśto avilo te aves te aśunes so von soske vakeren. Kire zonako kosilo si i le sfatura save si putarde savorenge thaj i tu śaj bićhales peske kire ideje aśal bukja save tu kames te dikhes te aven maj laćhe.