Skärpt eldningsförbud i Stockholm

Just nu är det förbjudet att elda i Stockholms län. Länsstyrelsen har beslutat om skärpt eldningsförbud med anledning av att det är extremt torrt i naturen.

Stockhålma stáda

Stockhålma stádan barggi birrusij 40 000 ulmutja. Dån ja iehtjáda ruvva miljåvnnå stockhålmaga iejvviji mijájt ålon ja fertlágán sajen ja dåjmajn sebrudagán.

Mij gávnnup degu dal åvddåskåvlån ja skåvlån, vuorrasijsujton ja biejvvedåjmajn. Dån iejvvi mijájt gå sáddujt hádjep, sjavnjatjip jali gå bidtjip ja rievdadip stáda gahttunijt ja guovdojt, gå åhtså bidtjimriektáv, gå guosso mijá barggoguovdojt ja viesajdiddjekantåvråjt, maná girjjevuorkkáj jali vuojadimviessuj.

Stáda infrastruktuvra

Stádan la aj åvdåsvásstádus at miján la rájnna tjáhtje degu dal kránan, jávrijn ja jågåjn/änojn, ja at råsskåviedtjam ja mijá hámna ja kádja doajmmi, at äládusviessoma Stockhålman adni buoremus máhttelisvuodajt, dálkádaksluogas ja gárvesvieso dagáduvvi ja juohkkuji. Dasi nali adná Stockhålma digitála infrastruktuvrav mijá rabás värmádagá baktu ja mij dás dagáduvvá vijddábut danen gå digitála sebrudak galggá sjaddat vil buorep.

Kultuvra ja asstoájgge

Kultuvra la ájnas ja dárbulasj – dav mij fállap degu dal Kultuvrravieso Stádateáhttarijn tjuodijn prográmmatjuoggáj baktu ja jagijt birra, kultuvrraskåvllå dimna máná ja nuorajda, Stádadávvervuorkká ja Gaskaájgedávvervuorkká ja mijá iehtjama dájddárviesso Liljevalchs. Mij aj doarjjop degu dal siebrredåjmajt ja kultuvrrabarggijt danen gå mij sihtap gárvedit demokráhtalasj ja duollde viesso stádav. Valástallamsjaljojt, vuojadimviesojt, ålggogymajt, ruonasdáfojt ja luonndosuoddjidimsajijt li muhtem buojkulvisá gåk stáda giehpet gájka stockhålmagijda adnet dåjmalasj asstoájgev.

Dårjav gássjelis dáhpádusájn

Mij lip aj da gudi válldep vuosstáj dajt gudi dárbahi sierra dårjav viessomin. Dat máhttá årrot dárbbo skåvlåkuratåvrråj, årromvähkkáj, buorreålmmåj jali sosialtjálláj. Muhttijn la gatjálvis skihpudagás, boastoadnemis jali juoga lágásj trávmá, degu dal sij gudi li báhtaram diek ietja guovlojs väráldin, doarro ja hiehtedáfojs. Muhttijn la dat juoga ietjá vijor mij dahká at soames dárbaj lijge dårjav.

Politihka ja demokratiddja

Dån máhtá årrot oasen vájkkudahttet. Dån ja gájka ietjá stockhålmaga gudi oadtju jienastit gieldaválan mierredi gudi galggi årrot njunnjuhin mijá stádan. Juok goalmát mánnodagá tjåhkani gieldadievastjoahkkem Stádavieson ja dån la buorisboahtem dåk gulldalit man birra sij ságasti. Duv stádanammadus aj adná tjåhkanimijt ma li ráhpasa gákkajda ja dajda aj máhtá guodet ietjat oajvvadusájt dakkárijda majt dån aná máhttá buoredit.

Nasjonála unneplågo ja unneplågogiela

Jus dån gullu soames dajs nasjonála unneplågojda dujna l rievtes adnet duv nasjonála unneplågogielav aktavuodajn fábmudagáj.

Uppdaterad